جَنگَل اَویجَ آوَ آوادی لَکَ
مَردُم دیل خْشی کو دَلَکَ
گیریَ چِمَ سَرون لار نواَ نی یَ
بَرَسَرُن چْرا ایزم کواَ نی یَ
رَمَ جْی مینی شَ مَندَن پِرُمَ شُندی
صْیندُقی کا خاک هَرِ نَنَه گورَوه گوندی
بْلبلی سَس نِبَرا گل نازُ غَمزَ نِکَرِ
زیندگی لَذَت شَ کَسی را مْزَ نِکَرِ
آسْنگَرُون دَپَرچییَ دازُ تَبَر کیل آوَ
بْرُ خَرف اَلاشی شی پیل آوَ
هزارون خَیف پْنج تیرم یا پیر آوَ
پلنگ مَردَ شالَ کْتَ یا شیر آوَ
نَنَ دیل گیریَ غرصَ کو پیر آوَ
اُرو سَبا مَکَ خیلی دیر آوَ
بئری چَمَ دیلون هَم واد آکَرَم
چمه گیریَ گیلون آواد آکَرَم
هَفتَخونی گْردَسواَ تا بَ اَرَس
هَمَ نئزیک آوَم تا لواَ آرَس
بئری بوَم هَم پا اُ هَم دَس
دْوارَ دومَنی ویخَنی چَمَ سَس
علی رستم پور هفتخوانی
https://telegram.me/Farhangestantalesh
بلبلی گلی پی یُ گل در دَستِ خارَ
خداوندا چرا در چرخی گردون ام رسمِ کارَ
ای رُزم واتَ بلبلینَ اشته خُندِ چرایَ
واتشَ غم دارم دیلم گلی هوایَ
رُزی ک اُمیمَ ام باغُ کَشته
گلَ تایی پریشُن من دی یِشته
ویچاکندشَ چم سبرو غروری
چم دیلش بَردَ بَ جایِ دوری
بلبلی لواَ کُ ت من ویر اومَ
چم میجَ کو اَسرگم جیر اومَ
چمُنو بلبلی چِم مسلی یالَ روارَ
خداوندا ام چ رسمی روزگارَ
علی رستم پور @faaarhanng
تالشیمَه چمه عشق چمه خاکَه
چمه خاکی را جان دوئه چ باکَه
تالشیمَه چمه استوره کلا چرمینه روستمه
تالش یاله پیله همی زنوستمه
اَرسی روارینه تا به دریا شوم
تالشی خاکی واسی تا ثریا شوم
تالشیمه همه جا دِری چمه نومو نشون
چمه جدو آبا همه یل و پهلوُن
دشبندون را شیری چنگی مونوم
سختیمه سیا تاوه سنگی مونوم
نعره بکشم دشبندون درونوم
شعله بکرم آتشی شی سونوم
تالشیمه کاسپینی شی کئو
تالشی مردوم چمه چمی سو
(تالشم عشق من این خاکه
در راه خاکم جان دادن چه باکه
تالشم استوره من رستم کلاچرمینه است
تالش بزرگه پهلوانه تابه امروز این را دانسته ام
با رود ارس تا ب دریا میروم
برای خاک تالش تا به ثریا میروم
تالشم همه جا هست نام و نشانم
جد و بزرگانم همه یل و پهلوانن
بهر دشمنان مثل پنجه شیرم
سختم مثل سنگ می مونم
نعره بکشم دشمنان را می هراسانم
مثل شعله اتش میسوزانم
تالشم مثل کاسپیین ابی ام
مردم تالش نور چشم من است
علی رستم پور
تالش...
اشته باشلاق اشته فترَه لسی را بمِرم
اشته خَندخونی اشته لَه لَه سَسی را بمِرم
اشته گردَسوئه دیَگاه قماشی لاسی را بمَرم
اشته دیگ اشته پنیره سازَه تاسی را بمَرم
اشته رَمدیلی اشته صداقت راسی را بمِرم
اشته شالَه خَلا اشته لیباسی را بمَرم
علی رستم پور
کوکو تی تی بیمه از ام دار بَ اَ دار
هرگز کسی نِراسندمه آذار
کوکو تی تی بیمه کردمه پرواز
داره سَرون نشتیمه خوندمه آواز
آدَمون دَس دَوَزم ام کو بَ اَ کو
خدا کَ بن آرَسه چمه دیلی دو
د سه روز زندَیمه وییَر نِمونوم
شتی پتی خونوم و دیلی سونوم.....
علی رستم پور
عاشق مَبن
ای روز وینی ک ...
زندگیر باختَرَه وُ هیچ خَبَرر نی
عاشقی راه تاختَرَه وُ عِینِ نَظَرر نی
هر لحضه مَسی سَسی یُو گوش آکَری
افسوس گَردی یُو وینی کسی پشت سَرر نی
د چِم دَوِندی بَ دارو دیارون و نِخسی
اشته ام یالَه شَویرار دِ سحرر نی
امقَدَه شی تو فکرو خیال و ایزی وینی
بی جوز غم و غرصه کسی دورو وَرر نی
تا ک مَسی ستایی و بَریَه دییِسی
هزارون خَیف دِ کسی پشت بَرر نی
بَ غارَت شَه اشته جَوُنی و ت خنده کَری
بی جوز یار پابند هیچ منفعت و ضرر نی
ای دیل..
ت دِ دیل نه آوی هرچند مرده نیرَه
زونوم..
میجَر دایم خیسَه و فکر خشک و ترر نی
علی رستم پور
غرصه مَرن
د روز دیگه هَنی بهارَه
جنگل سبز و اَلاله زارَه
تومَه تا سبز آبو وقتی بجارَه
هر کس دَسش ایجور بَ کارَه
ای روز ویجین ای روز دوارَه
ای نفر نی جنگلی چوئه کارَه
هَنی بلبل خونو گل ریشه کَره
شوبنَه گیرییه را اندیشه کَره
هنی تیتَه کره کیشه خاله
کو کو جان آ کره اهو ناله
رَمهِ بندی ویبون ریهَ ریَه
گائن ونگا کرن ب سوی گیرییه
دنیا همَه َهنجوره گرده
آدمی شو دِ نِه آگرده
بری اوری همدیل هم اندیشه ببَم
تالشی خاکی را سخته ریشه ببَم
علی رستم پور
اَلاشهَ داری مونوم از تالشیمه
خاصَه بهاری مونوم از تالشیمه
صافَه چمه دیل از بهاری وارشیمه
ایسبیتی شُوونَه عاشقی دارشیمهَ
سَسم نازَه ازکوکو نالشیمه
آواد آکَرم دنیا از اهل سازشیمه
سو ژنم اسمونی کا مثلی ستاره
بهار درا سبز ابوم گلی شی دواره
دشبندون جیسونوم از آتشی شی
دیلم دریایَه بَخشندَیمه حاتمی شی
تالشستونی شی هیجا دنیا نوئَه نی
دشبندونم هرگز من تَن دوئَه نی
مَوین ک تالش کوه کو منده
تالشا ک اسکندری ناری ویمَنده
محمودیمه رمزم اِستهَ لِدولِه
نِخازم دشبندی دَس بانَه آدوئِه
لَه لَه ژَنم لَه لَه چمه خاسَه سازَه
شَوَچَره چمه وقتی رازو نیازه
قَزری شی وَزم از بَندَه سَرون
رادَویارِن وَرن مرا خاسَه خَوَرون
تالش غیرت داره اهلی دَرده.
کی ویندَه تالش برَمه کردَه؟
تالش راز داره اهل رازه
نَمَه چه خاسه جا نمازه
خراکش پنیرو سورَه ای لقمه نون
هره حاصلی اشتن گوسندون
سخته چه ریشه سنگی مونو
ماه شی دَتاویی منگی مونو
تالش همیشه سبزه داری مونو
تالش گیریه سِر آوَ لاری مونو
تبرکه چه زمین پاکه تالش
چمه یاله وطن .چمه خاکه تالش
علی رستم پور
هوا قَزری دَکردَه وَر واره دونَه دونَه
زیزا سَردی دَمردَه خیس آوا چِه لونَه
سیا زمسونی یخی زنگولَه کردَه
کیلاقا سرد آوَه آتش ویمَردَه
چرا نای بشَم سرا چقرَه بکَرَم
پوهَ گوروِه شالَا خَلا دَکَرَم
چرا نای وَری مین مزا بکَرَم
کلکا پیسی دَنشَم سزا بکَرَم
ویرر اِستَه رَمَه چقرَه دَمَندا
ویرر اِستَه دَدَه چنتَه ویمندا
ویرر آ روزوی ک دَدَه دیر اومَه
اَ روزی ک اَسرگش میجَه کو ویر اومَه
اوری فکروخیالم شَه بَ اَ روزون
اَ سَختییون اَ سَردو سوجون
راسی بلبل چرا پَیدا نییَه یا
گلَه تا بَ چرا شَیدا نییَه یا
زمسونه سردو سوتو کورَه
مثلی یاری ک یاری کو دورَه
مثلی دیلی ک غم داره خیلی پورَه
مثلی میجَه ک نَم داره خیلی سورَه
زموسون پی ویواره ورَه پورَه
زمسون عاشقه بهاری خونِه مجبورَه
اشته ویر چمه دیلی سر پِری مثلی خورَه
خدا زونو چمه زندَه مَندِه زورَه
علی رستم پور
ایروز آفتاو ایروز ویواره خاصه یار
اوری زمسون سبا خالَه بهاره خاصه یار
ایروز بلبل ایروز کوکو بر سر داره خاصه یار
ایروز پاییز ایروز تاواستون ملگذاره خاصه یار
زندگی ایروز جفا ایروز بَه تنه یاره خاصه یار
دنیا همه ظلمتی داره خاصه یار
دنیا همه ظلمتی داره خاصه یار
علی رستم پور
ایروز آفتاو ایروز ویواره خاصه یار
اوری زمسون سبا خالَه بهاره خاصه یار
ایروز بلبل ایروز کوکو بر سر داره خاصه یار
ایروز پاییز ایروز تاواستون ملگذاره خاصه یار
زندگی ایروز جفا ایروز بَه تنه یاره خاصه یار
دنیا همه ظلمتی داره خاصه یار
دنیا همه ظلمتی داره خاصه یار
علی رستم پور
نِزنوم چرا آسموُنم دَر هَمَه
دیلی هوا دَروَردَه وُ بر َ هَمَه
هَنی اشته خیالو خاطرئون من ویر اومَه
اسرگ بهارَه رَگیشی میجان کو جیر اومه
آسمونی خر برَمه دَویَرئو شو بَندینَه
اَزو غم و غرصه پی بمونم یَندینَه
علی رستم پور
غَمو دَردون کا سیستیمَه خار آبیمَه خار
بی اشته پی چ بوبو چمه دیلی کار
روزون غرصه هرم نشم زیر سایه دار
خاصه یارم شَه. یاله خدا چِی نیگهدار
علی رستم پور
نزنوم دیلم چرا غم انگیزه
بهار نی مرا مثلی پاییزه
آخ. ک چ دردی داره تنخایی مَندِه
نِزونی چ سَختهَ دیل کَندِه
بِری بیوین ک دیلم خونَه
دنیا چمه کاری کو حیرونَه
علی رستم پور
دِ کسی چمه دیلی کو جایی نِداره
دِ هرگز چمه دَس گلَه تایی نِکاره
اَوِه ک واین رفیقیمونُ و همراه
دَوَشتینَه رفیقایِ نیمَه راه
خیالم کَرده کسی نی دِه اشته میهربونی
ایلاهی مار بژَنه اشته شیرنه زوونی
دروُ و بی بفایینه تَمونر کَردَه چمه جَوُنی
ایلاهی تِیَه گافرو بنَی لای لای بخونی
غم و غرصانه تِلَه روزگارم
بهاره رگیشی پی دایم ویوارم
علی رستم پور
اشته بو مثلی گلی یاس
اشته خنده پوری احساس
عطر تَنرَ مثلی بوی رازقی
فقط تنَه معنی داره دیلدادگی
تنَه مزَه داره جَوُن مندهِ تا پیری
یا خش گَزراونی یا ک اسیری
اشته شُونَه کوهی از تاوُتَوُن
بی اشته نِ دین دارم نِ ایمون
نِزنوم چرا اوری ت ویر وَردیمَه
شاید صبا فرصت نِبَه مَردیمه
بی اشته دنیا کو دیل سردیمه
شاعری غمگین و پور از دردیدمه
علی رستم پور
نِزنوم چرا آسموُنم دَر هَمَه
دیلی هوا دَروَردَه وُ بر َ هَمَه
هَنی اشته خیالو خاطرئون من ویر اومَه
اسرگ بهارَه رَگیشی میجان کو جیر اومه
آسمونی خر برَمه دَویَرئو شو بَندینَه
اَزو غم و غرصه پی بمونم یَندینَه
علی رستم پور
❄پَرغو اوری مرا خبر وَردَشا❄
❄ماه گلهَ کو خاصَه نَظر وَردَشا❄
❄وقتی دومَنی کو گذَر کَردَشا❄
❄دازو تَبَری دَس خونی جیگَر وَردَشا❄
❄خبر از هر کوی و گذر وَردَشا❄
❄خبر از رادَویارو رهگذر وَردَشا❄
❄دَریا مینی کا ای مشته صدف وَردَشا❄
❄هوا کو والوئَه ای بی هدف وَردَشا❄
❄رباری کو ای مشته آوهِ رَوُن وَردَشا❄
❄تاوَه لاسی کو ایتِه تاوُ ُتَوُن وَردَشا❄
❄باغی مینی کا ای دسته گل وَردَشا❄
❄گلی خونِه ایتِه صدای بلبل وَردَشا❄
❄زمینی کو ای مشتَه َگیل وَردَشا❄
❄ام مینَه کو ایلَه چَکَه دیل وَردَشا❄
❄دیلی ک اتشی مین پُختَه یا❄
❄چه دیلهَ کو خون لَختَه یا ❄
❄دیلی ک چه صاحیب عاشق آوارَیا❄
❄مثلی شیشه سنگی گینا وُ وارَه وارَیا❄
❄اوری پَرغو مرا بَدَه خبر وَردَشا❄
❄اشتن نی وایدا خیلی غرصه هَردَشا❄
❄علی رستم پور❄
چمه قبری سنگی سر انجوره بینویس
برا چاکه دوستن بخونن با د چمی خیس
پی ایروزی شِه. دنیا جای مَندِه نی
دیل بَردِه آسونَه. دنیا جایِ دیل دَوِندِه نی
بوا بینویس چمه سنگی سَر با خطی دیل ربا
عاقبت باید بشَم پَس بومونو دنیا
بوا بینیویس مَچاکنَه دیل مَرَنجونَه کَس
آخرنَه روز چمه جا اِستَه بَ تَنگییهِ قَفَس
بوا بینیویس دنیا نداره ارزشی
نِ یَرجی بَ قبری دیلَه لرزشی
علی رستم پور
مَندیم تَنخایی ویمارو بی کَس
باور ندارم چ آسونی.. دیلم شَه
رَفِقون کو کردمه دَفَرسُ آفَرس
خیالش اومه میهمونی.. دیلم شَه
چِه ور نشتیمه َافسوس لوئَم ویراشَه
واتشه اشته شعری نخونی ..دیلم شَه
لبی سر خندنه واتشَ چرا چم بَ رایشَه
کو کو شی لال آبَیشَه نِزونی..دیلم شَه
میجَه سر اسرگ. دیلی مین خون
چِمم پِلَکه چ پیشونی.. دیلم شَه
دَدِسم سیا زلفی سیا ریحون
سییم روزو شَو..چ سود از پشیمونی..دیلم شَه
پریشونیم پریشونیم پریشون
شَوُ روزم طوفانیه طوفانی.. دیلم شَه
علی رستم پور