چبینه

چبَه قشنگه روزگارِه

اَ وَقتی یَندی را مِریمون ویررَه

چ بینَه خاصه کردکارِه

یَندی غرصَه هَریمون ویررَه

ِدِ نان اَ خاصه بهارِه

دارَه بن لوئَه لوئَه کریمون ویررَه

تِیَه دَس اَنشتا ناچارِه

ندارییون ویبَریمون ویررَه

سَبز ابی کوه و بجارِه

بغض آی ویمونی لَرزی چمه چونه ویررَه

دَس ژَنین خونین نَوارِه

یَندی را مِریمون بی بهونه ویررَه

را سر نشیمون دویرین رادویارِه

چمه لوئِه همه عاشقونَینا ویررَه

چمه خاصه خاطرِه

غزل و نقل و عارفانَینا ویررَه

مغربی لوئه بَرَسَرِه

یَندینه برَمسته شَوُنَه ویررَه

جنگ کرین مُندِن و وَرِه

وایمون چ قشنگه زمونه ویررَه

زنگه ستا گائون گره گرِه

روزو شب قسم هَریمون یَندی را ویررَه

سبز اوی دومنو دارِه

دیلمون تنگ آوی ایسپیته بندی را ویررَه

دازه ستا جنگلی چوئه کارِه

هر روز پیما اشته سَسی بمسیم ویررَه

اشته تیلِه اشته آپَرِه

ت نشیش از ت آرَسیم ویررَه

ویندییَه سرنیویسی چ کرده

اَمَش دَسی دَسی سیفا آکرده

ِاَزبین شَ اَ خشی غرصه اَمَه ویبرده

ویندرَه هزارون ناجه چته دیلی کو مَرده

وینی چنجوره روزگاری کو بیزاریمونه

یخ ژَندَمونَه وُ مثلی سِرَه دیاریمونه

علی رستم پور