ی سَر اومیمَه شیمَه موسلَه روخون
وقتی مَسمَه کوکو صتا بلبلی خَند خون
وقتی ویندمَه چه رواری اوی رَوون
باوَر بکه چندین سال ابیمَه جَوون
ایتِه نشتیمَه چه جنگلی سَبزَه سَرون
ایتِه مرا گَردیمَه چه دارَه بنون
چه قشنگی هرگز نه ابو تَمون
کَنتیه تعریف بکرم کا ادَم صفت نشون
بجارو باغون کو دِرینا چه مَردمون
یَندینه لوئَه کرین ب تالشی زَوون
دییِشتمَه چه قشنگه گیریَه بَندون
خِله دَشت و گردَسوئَه و سَبَندون
مولومی تک بَرما شا تا آسمون
هَمه شادینا کسی نیا پَریشون
همه هم صتا هم دیل و میرَبون
دیل خشینه پذیرایی کرین اشتن میمونون
گردیمَه موسله روخونی کوه و کَمندون
چه جنگل و چه ایسبیتَه بَندون
خدا بکره تالشن همیشه خش بوبون
همه جا کو دِشبند کش بوبون